All for Joomla All for Webmasters

Зголемено полициското присуство пред ТЦ Капитол

ТЦ Капитол

Кампања за заштита на граѓаните од кражби се спроведе денеска во Општина Аеродром пред ТЦ Капитол Мол. Претставници од СВР Скопје денеска делеа флаери со едукативна содржина и им укажуваа на граѓаните како да го заштитат својот дом од кражба и како да се заштитат од џебните кражби.

 

Пред ТЦ Капитол денеска беше зголемено присуството на полицијата, но не за да казнува, туку да ги советува граѓаните како да го заштитат својот дом од кражби и како да се заштитат од џебни кражби. Општина Аеродром и СВР Скопје денеска организраа капмања за заштита на домовите од кражби со цел да се зголеми свеста кај граѓаните за поголема заштита од кражби. Сите врати и прозорци треба да бидат добро затворени, да не се дозволува непознато лице да влегува во домот, никогаш да не се остава влезната врата отклучна и да се пријави во полиција на 192 ако се забележи нешто сомнително. Ова беа само дел од советите кои полициските службеници им ги кажуваа на граѓаните.


Во рамки на кампањата освен што директно се советуваа граѓаните, се делеа и известувања и флаери со едукативна содржина и повеќе совети како граѓаните да се заштитат од кражби. Ристо Јовановски, од одделението за превенција при СВР Скопје, истакна дека со овие капмањи сакаат да ја зголемат свеста на граѓаните и полицијата да биде поблизу до народот.


Основна цел на проектот е да се зголеми информираноста на граѓаните, подобрување на безбедносната состојба на територијата на Општина Аеродром, со што ќе се придонесе за зголемено чувство на сигурност на граѓаните, соработка и зголемена доверба на граѓаните во полицијата.

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.