1-ва Скопска - МТМ Телевизија

По разговорот со локалните жители и земајќи ја предвид алармантната состојба на патот во Долно Лисиче, Општина Аеродром почнува со санација на критичните ударни дупки. Ова е привремено решение кое ќе обезбеди подобар тек на сообраќајот во регионот.

Од општината информираат дека заради работите на патот ќе има привремен прекин на автобуската линија 31 која поминува низ Долно Лисиче. Активностите на терен ќе се завршат во најбрз можен рок, по што сообраќајот ќе продолжи со нормален тек.

Во меѓувреме ЈП „Државни патишта“ е во подготовки за целосна и темелна реконструкција на регионалниот пат Јурумлери-Драчево, а Општина Аеродром е во постојана комуникација со јавното претпријатие. Средствата за реконструкцијата се веќе обезбедени и се очекува тендерската постапка да заврши до средина на август.

Санација на ударните дупки се врши и во Горно Лисиче, а Општина Аеродром извршува и други инфраструктурни зафати во Долно Лисиче.