Од 25 до 29 октомври 43.издание на меѓународниот саем ТЕХНОМА
- Детали
- Категорија: Бизнис
- Создадено: 23 Октомври 2017
Во организација на Скопски саем од 25 до 27 месецов во ВИП арена "Борис Трајковски" во Скопје ќе се одржат 43. издание на меѓународниот саем ТЕХНОМА и 37. Меѓународна изложба на иновации - МАКИНОВА 2017. На саемските манифестации ќе бидат презентирани дејности, производи, услуги и експертиза на домашни и странски фирми од металургијата, електротехниката, енергетиката и градежништвото.
Тимот на Скопски саем со години ги подготвува познатите саемски манифестации кои резултираат со десетици илјади посетители и бројни бизнис конекции и контакти со значително влијание врз економијата во Република Македонија. Овој стучен тим во целост ја вложи својата умешност и долгогодишно искуство во организација на годинешното издание на саемот ТЕХНОМА 2017 и ВИП Арена "Борис Трајковски" ќе ја претвори во центар за иновативност и технологија информираат од Скопски саем. Како што потенцираат организаторите, на ТЕХНОМА веќе четири децении се претставуваат националните економии од многу земји и региони и се организираат разни стручни програми.
Официјалното отворање на ТЕХНОМА 2017 е закажано за 25 октомври (среда) во ВИП арена Борис Трајковски. Работното време за посета на саемот е од 10 до 19 часот. Цената на редовната влезница изнесува 50 денари, а за организирани групни посети влезницата чини 30 денари.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс