All for Joomla All for Webmasters

Непроменети продажните цени на производителите на индустриски производи

Продажните цени на производителите на индустриски производи, вкупно, во јуни годинава останаа непроменети на месечно ниво, а се повисоки за 1,0 отсто на годишно ниво.

Според податоците на Државниот завод за статистика, во споредба со мај 2018, продажните цени на производителите на индустриски производи во јуни, вкупно, се повисоки во секторот Рударство и вадење на камен за 0,9 отсто, а пониски во секторот Преработувачка индустрија за 0,1  отсто и во секторот Снабдување со електрична енергија, гас, пареа и климатизација за 0,8  отсто.

Во споредба, пак, со јуни 2017, продажните цени на производителите на индустриски производи, вкупно, се повисоки во секторот Рударство и вадење на камен за 3,8 отсто и во секторот Преработувачка индустрија за 1,0  отсто, а во секторот Снабдување со електрична енергија, гас, пареа и климатизација се пониски за 3,1 отсто.

За разлика од нив продажните цени на производителите на индустриски  производи на странски пазари во јуни годинава се повисоки за 0,1 отсто на месечно ниво и за 2,1 отсто на годишно ниво.

Во споредба со мај 2018, продажните цени на производителите на индустриски производи на странски пазари се повисоки во секторот Рударство и вадење на камен за 1,3 отсто, додека во секторот Преработувачка индустрија цените останаа на исто ниво.

Во споредба, пак, со јуни 2017, продажните цени на производителите на индустриски производи на странски пазари се повисоки во секторот Рударство и вадење на камен за 12,2 отсто и во секторот Преработувачка индустрија за 1,1 отсто.

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.