1-ва Скопска - МТМ Телевизија

Општина Бутел летниот период интензивно го користи за подобрување на патната инфраструктура. За таа цел извршена е реконструкција на 6 улици во Радишани.

Деновиве, општина Бутел интензивно работи на темелна реконструкција на шест улици во Радишани.

Целосно е завршена улицата ,,18,, во должина од 180 метри со широчина од 3,5 м.

Темелната реконструкција на оваа улица чинеше 1 300 000 ден. а средствата се обезбедени од буџетот на општина Бутел.

Градоначалникот на Општина Бутел Петре Латиновски истакна дека општината активно го користи летниот период са подобрување на патната инфраструктура и потенцираше дека од осамостојувањето на Општина Бутел досега асфалтирани се патишта во должина од околу 30 километри.

Од буџетот на општината се обезбедени средства и за останатите 5 улици: 50, 42, 60, 7 и Бел Камен со вкупна должина од над 1 350 метри, во висина од 9 100 000 ден.

Изведувачи на овие проекти се фирмите од Скопје ,,Филип инженеринг,, и ,,Улици и патишта,,.