1-ва Скопска - МТМ Телевизија

Реализирани три пати повеќе проекти од ветените во изминативе четири години, во општина Бутел, меѓу кои изградба и реконструкција на улици, училишта, градинки, паркови и плоштади.

Општина Бутел, иако најмала општина во рамки на Град Скопје и една од посиромашните во Република Македонија, во изминатите четири години има реализирано над 230 проекти. Тоа е три пати повеќе од бројот на проектите што се ветени, рече на денешната прес-конференција градоначалникот на општина Бутел Петре Латиновски.Меѓу позначајните ги истакна реконструкцијата и изградбата на улиците во должина од 32. 964 метри квадратни. Посочи дека голем дел од реализираните проекти произлегле од идеите и барања на граѓаните.

Латиновски нагласи дека на десетици километри е поставено ново улично осветлување, изградени се нови тротоари, донесени се ДУП-ови, завршни се легализации на дивоизградените објекти, реализирани се повеќе проекти од културата...

Во делот на образованието Латиновски нагласи дека се реконструирани шесте основни училишта и двете детски градинки во Бутел 2 и Скопје Север. Од поголемите реализирани проекти ги издвои новото основно училиште „Живко Брајковски“, новата градинка во населбата Радишани.

Елизабета Дамјаноска Спасеновска