Живописното Љубанци ќе биде претставено на ликовна изложба во Бутел
- Детали
- Категорија: Бутел
- Создадено: 24 Април 2018
Околу 50 дела на 28 ликовни уметници учесници на последните три одржани ликовни колонии ,,Љубанци 2015/16/17 година ќе бидат изложени на ликовната изложба која ќе биде отворена утре во Општина Бутел.
Љубителите на ликовната уметност ќе имаат можност да видат: 44 слики, два релјефа во дрво, три скулптури во дрво и една скулптура во мермер.
Како што информираат од Општина Бутел на изминатите три ликовни колонии, покрај нашите реномирани ликовни уметници како што се: Данчо Ордев, Владимир Лазоски, Орце Гогов, Новица Трајковски, Харалампие Манчев и други, сликаа и уметници од Србија, Словенија и Босна и Херцеговина. Како што најавија од Бутел на изложбата ќе биде промовиран специјално подготвениот каталог во кој се презентирани уметниците и нивните дела.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс