1-ва Скопска - МТМ Телевизија

Акција за чистење на дивите депонии и јавните површини се спроведува во Општина Центар. Во акцијата се вклучени вработените во јавните комунални претпријатија, општинската администрација, граѓани и доброволци преземени од Агенција за вработување преку Градот Скопје.

Општина Центар во соработка со Градот Скопје и Јавните претпријатија спроведува акција за чистење на дивите депонии и јавните површини на територија на општината. Со акцијата ќе бидат опфатени старите и исушени дрвја и сувите гранки, како и две диви депонии со смет од храна, предмети од домаќинството и облека.

Акцијата за чистење на Центар се спроведува на 6 пункта, со камиони се чистат депониите на улица ,,Самоилова,, на Кале и во Крњево, позади Универзитетот ,,Св. Кирил и Методиј,,, а на оние места каде што се отстрануваат оштетените и стари дрвја, општината ќе засадени нови. Во оваа кација вклучени се сите јавни претпријатија и 200 лица ангажирани од градот, како и вработени од општина Центар.