1-ва Скопска - МТМ Телевизија

Градоначалникот на општина Центар Саша Богдановиќ денеска се сретна со претставници на меѓународната мрежа на уличен печат „Лице в лице“.

Богдановиќ, како што информира општина Центар, ја мапираше првата зона „Лице в лице“ и активно се вклучи во продажба на списанието.

- Општина Центар е подготвена да поддржи активности за помош на сите ранливи категории. Како општина и јас како градоначалник осудуваме дискриминација од секаков вид, а особено на лицата кои чесно и достоинствено заработуваат за живот, изјавил Богдановиќ.

Договорено е потпишување Меморандум за соработка, а градоначалникот и советниците ќе се вклучат во промоција на концептот „Лице в лице“ заедно со продавачите.

Во општина Центар ќе се одбележа сите кафулиња и угостителски објекти, каде што се добредојдени продавачите.