Проектот “Центар се грижи за возрасните“ стартува во април
- Детали
- Категорија: Центар
- Создадено: 19 Март 2018
Oд месец април општина Центар продолжува со проектот „Центар се грижи за возрасните“. Општината ги повикува сите лица-пензионери, жители на Центар од 23.03.2018 година (петок) во Архивата да ги поднесат апликацијата и неопходни документи.
Апликантите, или нивни блиски, треба да поднесат фото-копија од лична карта, фото-копија од потврда за пензија и фото-копија од медицински документ за здравствена состојба. Пријавите ќе ги разгледува стручна комисија, која при изборот ќе води сметка за социјалниот статус, финансиската и здравствената состојба на лицето кое аплицира за помош. Со проектот ќе бидат опфатени 90 лица.
Оние граѓани кои ќе добијат вакви субвенции, како и досега првично ги посетува социјален работник, кој ги нотира нивните потреби од медицинска нега.
Потоа, земајќи ги предвид индивидуалните потреби на секој граѓанин, се одредуваат бесплатните услуги и помош која треба да му се пружи на секој корисник одделно.
Лиценцирани негуватели ќе ги посетуваат лицата 3 пати неделно.Оваа година е предвиден поголем буџет за проектот и на барање на граѓаните, возрасните лица на располагање ќе имаат и физиотерапевт, медицинска сестра и психолог во зависност од потребите на корисниците.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс