1-ва Скопска - МТМ Телевизија

Општина Центар презема обврска да ги поддржи реконструкциите на станбените згради, реконструкцијата на покривна конструкција и поправка и санација на лифтовите на станбените згради, каде ќе има учество и е предвидено во програмата за енергетска ефикасност на станбени објекти. Јавните повици за заинтересираните граѓани ќе бидат објавени за 10 дена.

Подобрување на енергетската ефикасност во станбениот сектор цо Општина Центар е целта на потпишувањето на Меморандумот за соработка помеѓу општината и Здружението за хмано домување Хабитат кои се обврзаа дека ќе учествуваат во реконструкцијата на покривна конструкција и поправка и санација на лифтовите на станбените згради. Ова ќе придонесе до подобрување на условите за домување во станбените згради, јакнење на свеста за енергетска ефикасност, како и зголемување на свеста за сопствено учество во одржувањето на станбените згради. Општина Центар ќе преземе обврска да ги поддржи реконструкциите на станбените згради, каде ќе има учество и е предвидено во програмата за енергетска ефикасност на станбени објекти. За таа цел ќе се изработи Регистар на станбени згради и Регистар на управители на станбени згради согласно Законот за домување, вклучувајќи ги и енергетските и градежните карактеристики на станбените згради во општина Центар. Јавните повици за заинтересираните граѓани ќе бидат објавени за 10 дена.