All for Joomla All for Webmasters

Награди за најбрзите и највештите велосипедисти од основните училишта во Центар

Натпревар во возење велосипед

Денеска, учениците од основните училишта во општина Центар се натпреваруваа и ги покажаа своите вештини во возење велосипед. Најдобрите шестмина добија пригодни награди, а две училишта од општина Центар, ООУ Коле Неделковски и Гоце Делчев, добија велосипеди. Настанот беше дел од проектот “Цел Центар на Точак“.


Проектот за сообраќајно воспитување, кој се изведуваше во секое училиште во општината, за учениците од 6-то до 9-то одделение, е со цел да се зголемат капацитетите на децата како активни учесници во сообраќајот. На учесниците им беа посочени предностите од користењето велосипед, како и правилата за безбедно учество во сообраќајот.

 

Градоначалникот на општина Центар, Саша Богдановиќ, честитајќи им на најдобрите и највештите, им посочи дека општината води грижа и секогаш ќе ги поддржува активностите и проектите за најмладите, за поздрав живот и нивна безбедност.

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.