All for Joomla All for Webmasters

Се расчистува дивоградбата во „Урбан парк“

 „Урбан парк“

Општина Центар, со асистенција на МВР, утринава започна со извршување на решението на инспекциските служби за отстранување на дивоградбите, но и на диво поставената населба во „Урбан парк“.


- Станува збор за објекти изградени од ПУИГ, но потоа во нив диво се населија други жители, кои буквално го запоседнаа паркот, градејќи импровизирани живеалишта, каде складираа пластичен отпад и секаков вид шут, информираат од Општина Центар.


Појаснуваат дека изминатиот месец континуирано се разговарало со лицата кои беа сместени во паркот и им било посочено дека ќе мора да го напуштат ова нивно привремено незаконско живеалиште. На истите им е понудено и сместување во едно од прифатилиштата на Министерството за труд и социјална политика. Дел од граѓаните прифатиле, но дел од нив не се согласиле.


Општина Центар по комплетно расчистување на просторот ќе започе со реконструкција, зазеленување и поставување урбана опрема во паркот.


- Општина Центар како што ветуваше во изборниот период нема да дозволи дивоградби на својата територија и надлежните ќе носат решенија за нивно отстранување, истакнуваат во соопштението.

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.