All for Joomla All for Webmasters

Чаир

Јакупи: Прифатен еден приговор, ќе се прегласува на избирачко место во Чаир

Локални избори 2017

Управниот суд прифатил една од 16-те тужби поднесени од партиите, за повторување на гласањето на избирачко место 2901 во општина Чаир, со образложение дека оваа одлука може да влијае врз изборниот резултат.  


- Управниот суд донел одлука за повторување на гласањето на избирачкото место 2901 со образложение дека овој резултт ќе влијае врз изборниот резултат. Гласањето ќе се одржи во недела, 12 ноември, потврдил членот на ДИК Субхи Јакупи за Portalb.mk


Разликата во Чаир меѓу Висар Ганиу од ДУИ и Зекирија Ибраими од БЕСА во вториот круг беше 209 гласа, а на избирачкото место 2901 разликата е 66 гласа. На ова избирачко место вкупно се запишани 719 избирачи.


Одлуката за последната 16. тужба се уште не е официјално објавена на веб страницата на Управниот суд.


Судот ги одби останатите 15 тужби, што политичките партии ги поднесоа по вториот круг од локалните избори одржани на 29 октомври.


Најмногу тужби против одлуките на Државната изборна комисија до Судот поднесе „Алијанса за Албанците“ – вкупно 11, четири поднесе Беса, а една тужба поднесе Народното движење за Македонија.


Претходно, ДИК ги отфрли сите приговори поднесени за вториот круг од локалните избори. 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени. | Мапа на сајтот | RSS |