Плакети за повеќекратните дарители на крв во општина Гази Баба
- Детали
- Категорија: Гази Баба
- Создадено: 15 Март 2018
Општинската организација на Црвениот крст ,,Гази Баба,, во 2017 година од вкупно планираните 2.835 единици крв има собрано 4.439 единици крв, што претставува за 56% повеќе од планираното и е втора општина во Македонија со најмногу дарувани крвни единици.
Општина Гази Баба и Општинската организација на Црвениот крст ,,Гази Баба,, им доделија плакети и благодарници на повеќекратните дарители на крв на крводарителните акции во Општина Гази Баба. Со ова се одбележа денот на крводарителството. Плакети и благодарници беа доделени на лица кои дарувале крв над 25 пати, над 75 пати и повеќе од 100 пати . Градоначалникот на Општина Гази Баба кој воедно е и крводарител и досега има дарувано крв 29 пати, истакна дека планираната бројка за собрани крвни единици за изминатата година е надмината за 56%, односно од планирани 2.835 единици крв собрани се 4.439 едниници и дека како општина ќе продолжат и понатаму да ги мотивираат своите граѓани што помасовно да учествуваат на крводарителните акции.
Општина Гази Баба е втора општина во Република Македонија, по Општина Центар по бројот на собрани крвни единици и како најдобро организирана општинска организација на Црвениот крст во делот на дарување крв. Проф. д-р Петар Христов, претседател на Општинската Организација на Црвениот крст,, Гази Баба,, кој досега дарувал крв 95 пати изрази благодарност и им порача на крводаритрителите да продолжат со оваа активност.
На територија на Општина Гази Баба има над 5000 активни крводарители, а од нив 2.500 крводарители активно даруваат крв два пати годишно, но радува фактот што секоја година има и нови крворарители.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс