1-ва Скопска - МТМ Телевизија

Со цел поефикасно решавање на комуналните проблеми во Општина Гази Баба, ЈКП Гази Баба активираше Вибер линија за пријавување проблеми со фотографија, а екипите ќе одговорат во најкус можен рок. Од општината информираат дека започнува голема Еко акција за расчистување на малите диви депонии, подигнување на електронскиот отпад како и подигнување на било каков мебел и стара облека на целата територија на Општина Гази Баба.

ЈКП Гази Баба во соработка со Нула Отпад и Црвен Крст Гази Баба, а со подршка од Општина Гази Баба започнува голема Еко акција за расчистување на малите диви депонии, подигнување на електронскиот отпад како и подигнување на било каков мебел и стара облека на целата територија на Општина Гази Баба.

За таа цел, од општината и од јавното комунално претпријатије ги повикуваат жителите на Општина Гази Баба да пријават било каков проблем, а екипите ќе одговорат во најбрз можен рок. За таа цел активирана е и Вибер линија на која со испраќање фотографија и локација ќе може проблемот да се посочи и побрзо да се реагира од страна на екипите на ЈКП Гази Баба. Бројот на кој преку Вибер, СМС порака или телефонски повик може да пријавите некоаков комунален проблем е 078/484-265. Од општината истакнуваат дека доколку мебелот е сочуван истиот може да се донира во некое семејство преку Црвен Крст на Гази Баба.

Исто така по набавка на ЈКП "Гази баба 2007" на новиот телескоп, машинка за кастрење гранки, започнато е решавањето на поголем дел од барањата на граѓаните, односно се кастрат посочените гранки кои претставуваа проблем на граѓаните од општината.