Во среда детска ликовна колонија во Кучково
- Детали
- Категорија: Ѓорче Петров
- Создадено: 24 Април 2017
Во среда во селото Кучково во Општина Ѓорче Петров ќе се одржи традиционалната ликовна колонија за ученици од 6-то до 9-то одделение. Делата кои ќе бидат насликани на оваа ликовна колонија ќе бидат изложени на општонародниот собир кој ќе се организира за 1-ви Мај.
Во Кучково традиционално и годинава ќе се одржи ликовната колонија која ќе ги обедини најмладите уметници од основните училишта во општината Ѓорче Петров и од Градот Скопје.
Ликовната колонија ќе се одржи на 26-ти април на три локации во селото Кучково, на сред село стара чешма во селото Кучково, во манастирот св. Ѓорѓија и во етно ресторанот „Старо буре“ а учество ќе земат над 40 ученици од 6-то до 9-то одделение од општината и сите општини од градот Скопје.
Младите сликари за своите дела ќе употребуваат молив и јаглен, акрилни и темперни бои кои ги обезбедува општината.Творбите ќе бидат изложени на Општонародниот собир што се организира секоја година , на 1-ви Мај на платото пред Крстот во селото Кучково, а секое дете ќе го презентира своето дело пред присутните посетители.
За децата обезбеден е бесплатен автобуски превоз од општината Ѓорче Петров до Кучково.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс