All for Joomla All for Webmasters

Хуманитарен концерт за малиот Дамјан

Хуманитарен концерт

Во Домот на културата „Ѓорче Петров“ во четврток (3 мај) со почеток од 20 часот хуманитарен концерт ќе одржи младата пејачка Магдалена Алексовска и многу музички имиња. 


Средствата кои ќе бидат собрани од концертот ќе бидат наменети за лекување на малиот Дамјан Поповски, кој има една година и осум месеци и се уште не го слушнал гласот на својата мајка.


Дамјан беше опериран на 17.04.2018 година и во мозокот му беше вграден кохлеарен имплант со чија помош тој треба да почне да ги прима звучните сигнали. Трошоците за неговото лекување и одржување на имплантот во постојана функција се многу големи и секоја поддршка и секое присуство на овој концерт е донација која ќе помогне во иднина и Дамјан да може да ужива во звуците на музиката. Цената на билетите за овој концерт е 100 ден, а со секое купување на билет веќе донирате за Дамјан. Билетите можат да се купат на влезот на Домот на културата пред концертот.


Да запееме со душа за Дамјан да слуша! е мото на концертот кој ќе го поддржат со свои настапи и Ристо Самарџиев, Влатко Илиевски, Џина Папас Џокси, 2ВЕ, Благица Ѕунѕуровска, Милана Лукиќ...


Концертот ќе започне со звуците на класичната музика со Екатерина Лукарова - флејта, Оља Михајловиќ - флејта,  Александар Војнески - виолина, Бојана Мирковска - виолина, Изабела Велковска - флејта, Марко Наумовски - флејта, Нина Крагуевска - кларинет, Виктор Богоевски - тромбон, Александра Кировска - гитара, Дамјан Илиовски - тромбон, Дани Жоговска - пијано... 

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени. | Мапа на сајтот | RSS |