1-ва Скопска - МТМ Телевизија

Во рамки на Пикникот на добри компании кој денеска се одржа во Градскиот парк беа засадени 70 дрвја од претставници на општествено одговорни компании и претставници на граѓанскиот и јавниот сектор. 

Компании и организации учесници на првиот ,,Форум на добри компании,, денеска во Градскиот парк во Скопје засадија вкупно 70 зимзелени дрвца во рамки на пикникот на добри компании кој е во организација на  Асоцијацијата за истражување, комуникации и развој ,,Паблик,,  

Амбасадата на Кралството Холандија во Скопје и ,,Скопје Мериот Хотел,,.  Дрвјата ги обезбеди ,,Скопје Мериот хотел,, заедно со холандска компанија од Тетово, а парцелата за садење Град Скопје. Амбасадорот на Кралството Холандија Ваутер Пломп рече дека дрвјата се иднината на градот и дека денешниот настан е одличен пример за корпоративно-општествената одговорност. Директорката на ,,Паблик,, Климентина Илијевски рече дека со денешната иницијатива зад себе оставаат позитивни отпечатоци во природата.

Следниот Форум на добри компании е закажан за 2 ноември 2017 година.