1-ва Скопска - МТМ Телевизија

Промотивно видео за Скопје на англиски јазик, целосно брендирање на градот, неутрална фан зона на плоштадот Македонија и осветлување на калето во сина боја се дел од активностите кои Град Скопје ги презема за организација на УЕФА СуперКупот.

Градот Скопје е целосно подготвен за УЕФА Супер Купот 2017 кој ќе се одржи на 8 август на Националната арена ,,Филип Втори,,. На годинешниов Супер Куп силите ќе ги одмерат двата најголеми фудбалски клубови во светот, Реал Мадрид и Манчестер Јунајтед.

Градоначалниот на Град Скопје Коце Трајановски истакна дека му оретставува голема чест и задоволство што Скопје е домаќин на УЕФА Супер Купот 2017 на кои ќе играат победникот од УЕФА Лигата на Шампионите, тимот на Реал Мадрид и победникот на УЕФА Лигата на Европа, тимот на Манчестер Јунајтед и Градот Скопје активно се вклучи во организацијата за одржувањето на овој настан и заедно со ФФМ работеа на исполнување на сите барања и стандарди поставени од УЕФА, а изработено е промотивно видео на англиски јазик чија цел ќе биде информирање на туристите и промовирање на убавините на Скопје.

ФФМ ќе ја координира ,,Трофеј турата,, и во повеќе места во Македонија ќе бидат претставени највредните пехари на УЕФА, на Лигата на шампионите, Лигата на Европа и секако на Супер купот. Турнејата ќе почне на 1 август и во наредните неколку денови пехарите ќе бидат изложени во 9 градови во Македонија.

Во организација на Град Скопје е целосното брендирање на градот, а деновиве и скопското Кале ќе светне во сината боја на Супер Купот. Исто така градот ја организира и т.н. ,,неутрална фан зона,, како и точките на поаѓање на навивачите кон стадионот ,,Филип Втори,,. Неутралната фан зона е лоцирана на Плоштадот Македонија и на истата ќе се организираат голем број активности за посетителите од сите возрасти.