Четири лица тешко повредени, 30 сообраќајки викендот во Скопје
- Детали
- Категорија: Град Скопје
- Создадено: 19 Март 2018
Четири лица се тешко повредени, а 20 се здобиле со полесни повреди во 19 од евидентирани 30 сообраќајки изминатиот викенд на подрачјето на СВР Скопје. Во 11 сообраќајки е причинета материјална штета.
Сообраќајната полиција санкционирала 91 возач за пречекорување на дозволената брзина на движење, а исклучила од сообраќај 68 возачи, 12 под дејство на алкохол, 50 пред да се стекнат со право на управување на моторно возило и шест возачи почетници.
Од сообраќај се исклучени 42 возила, од кои 40 биле нерегистрирани, и по едно технички неисправно и за претовар.
Изречени се 285 мерки за непрописно паркирање, а „пајакот“ кренал 153 возила.
Казнети се и четворица пешаци за поминување надвор од пешачки премин, пет за поминување на црвено светло, како и 14 возачи за поминување на црвено светло, три не дале првенство на минување на пешаци, шест неправилно се престроиле, а еден за неправилно престигнување.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс