ЈП Улици и патишта прво ги забетонира, па ги ослободи дрвата во Карпош
- Детали
- Категорија: Град Скопје
- Создадено: 12 Јули 2018
На социјалните мрежи утринава се појавија фотографии од забетонирани дрва, проследени со реакции на граѓани.
Станува збор за реконструкција на велосипедската патека на булеварот 8 септември, при што, поради несовесно работење на работниците, дрвата покрај патеката беа целосно забетонирани. По реакцијата на граѓаните, екипите на ЈП Улици и патишта повторно излегоа на терен, и се обидоа да ја поправат направената штета.
Раководителот на градски инспекторат денеска информираше дека штетата ќе биде санирана, а дрвата ќе бидат вратени во првобитната состојба.
Со соопштение се јавија и од Град Скопје. Од таму велат дека вчерашната слика не била од финалниот изглед на патеката.
„Ве информираме дека објавените фотографии се направени во текот на изведбата на патеката и не го претставуваат финалниот изглед на теренот“ велат од таму, не потврдувајќи дали таква е процедурата на работа, или е направен пропуст при изведбата на велосипедската патека.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс