1-ва Скопска - МТМ Телевизија

Во присуство на голем број верници, во Општина Илинден на свечен начин беше осветен крстот што ќе биде поставен на новата црква што е во градба, "Свети Константин и Елена". Осветувањето го изврши Неговото Блаженство Архиепископот Охридски и Македонски г.г. Стефан.

Новата црква со површина од 400 метри квадратни и височина од 22 м, почна да се гради во јуни 2012 година, на местото на старата црква "Свети Константин и Елена" која што била изградена некаде на почетокот на 20 век.

Олтарот и иконостасот од старата црква која е урната, времено се пренесени во црковната трпезарија каде што се извршуваат сите верски обреди се додека не се изгради новата црква.

Благодарејќи на собраните донаци од верниците досега е изградена карабината на овој храм кој се очекува да биде гордост на верниците од Илинден.