1-ва Скопска - МТМ Телевизија

Општина Илинден во рамките на проектот Подобрување и модернизација на јавното осветлување, продолжува со активностите за проширување и реконструкција на мрежата за јавно осветлување  во сите населени места.

Од Општина Илинден информираат дека изградена е нова линија за осветлување во должина од 600 метри на влезот во н.м. Миладиновци, односно на делови од улиците ,,2,, и ,,7,,, при што се поставени 10 канделабри со штедливи светилки. Нова линија во должина од 250 метри е изградена и во н.м. Марино, на улица ,,509,, при што се поставени 5 нови светилки. Од Илинден додаваат истовремено со овие активности, покрај инсталирањето на нови линии за улично осветлување се врши и докомплетирање на постојните линии, и се вршат интервенции за отстранување на оштетените сијалични места при што се вградуваат нови. Од почетокот на годината досега се заменети 140 стари со нови штедливи светилки.