All for Joomla All for Webmasters

Се гради системот за зафаќање на атмосферските води во н.м. Кадино

Општина Илинден

Во населеното место Кадино во Општина Илинден се гради систем за зафаќање и одведување на атмосферските води, со цел да се реши проблемот со високото ниво на подземните води и можноста од поплавување на куќите и имотите што го имаа околу 300 жители од ова населено место.

 

Во рамите на реализацијата на еден од приоритетните проекти на општина Илинден ,,Изградба и подобрување на системот за зафаќање и одведување на атмосферските води,, во текот на овој месец во н.м. Кадино изградена е атмосферска канализација во должина од 215 метри, со поставување бетонски цевкасти пропусти, со цел зафаќање и одведување на атмосферските води од централниот дел на ова населено место, како и заштита на патната инфраструктура.


Со реализацијата на овој проект се опфатени улиците ,,7,, ,,8,, и улица ,,10,, со што е извршено одводнување на површина од 96.000 квадратни метри. Со ова е даден голем придонес во решавањето на проблемот со високото ниво на подземните води и можноста од поплавување на куќите и имотите што го имаа околу 300 жители од ова населено место.


Поради рамничарскиот терен на кој што се наоѓа општината, подложен на покачување на нивото на подземните води, интензивно и континуирано се работи на одржување на главните, секундарните и терцијалните одводни канали со кои се овозможува зафаќање и непречен проток на атмосферските води и високите подземни води.

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.