1-ва Скопска - МТМ Телевизија

За големината на литературната манифестација Илинден, говорат и звучните имиња кои токму тука ги промовираат своите литературни дела. Еден од нив е и Словенскиот амбасадор во Република Македонија, Милан Јазбец кој во рамки на манифестацијата ја промовираше својата книга.........

Токму со амбасадорот позборувавме за неговите литературни почетоци, мотивот за пишувањето и инспирацијата.

Ни откри дека првата песна ја напишал на четиригодишна воздраст, а досега има напишано 40 книги, меѓу кои и научни трудови. А инспирација наоѓа во се.

Каква е поврзаноста помеѓу Милан Јазбец амбасадор и поет? Дали е возможно истовремено да се работат двете работи, и да се биде подеднакво успешен на двете полиња. Ни одговори потврдно, бидејќи и за двете работи потребно е да се користи моќта на зборовите.

Песните на Јазбец изобилуваат со љубовна и сентиментална тематика, која професорката Кристина Николовска мошне успешно ја пренесе до присутните.

Во рамки на културната манифестација денеска беше одржано и литературно матине за деца, на кое најдобрите творби на учениците од основните училишта во општина Илинден беа наградени со сет книги и статуетка. А литературни читања имаа голем број поети за деца. Дел од нив ја нагласија потребата од поголемо присуство на писателите за деца во основните училишта.