1-ва Скопска - МТМ Телевизија

По повод Денот на општина Илинден денеска се одржа крводарителна акција во Домот на културата заедно во соработка    со Црвениот крст на Република Македонија и Институтот за трансфузиона медицина.

Голем број крводарители, жители на општина Илинден, на дело ја покажаа својата хуманост, дарувајќи ја драгоцената течност што значи живот. Дарителите во просториите на Домот на културата имаа можност да даруваат крв во периодот од 9 до 14 часот, а до пладне беа собрани околу 25 единици крв, а до крајот на акцијата се очекуваа околу 50 дарители. Како што не информираше др Ефтим Димитровски бројот на крводарители постојано се зголемува на секоја крводарителна акција.Кесите со собраната крв ќе бидат предадени на Институтот за трансфузиона медицина и ќе ја добијат оние кои имаат најмногу потреба од неа.  На овој начин со спроведување на акција за дарување на крв, граѓаните на општина Илинден уште еднаш ја потврдија својата хуманост за спасување на нечииј живот.