1-ва Скопска - МТМ Телевизија

Покрај забавата со ,,Супер Скопје,, што започнува вечерва, продолжува и забавата со Културното лето во Карпош. На програмата на Културното лето во Карпош вечерва граѓаните ќе се забавуваат со звуците на чалгиите, а ќе ги забавува и комичарот Војче Китановски.

Вечерва во рамки на Карпошовото културно лето на платото на Т.Ц. Лептокарија, Филип Шурбевски - Езгија трио ќе ги забавуваат љубителите на звуците на чалгиите. За почитувачите на сатирата, ќе настапи легендарниот македонски комичар Војче Китаноски. Забавата во Карпош продолжува и викендов каде во сабота следува ноќ а перкусии со Никола Тони, како и изложба на фотографии на Филип Зафировски, а во недела ќе има авторска вечер на Сузана Турунџиева насловена ,,Мојот Карпош. Повеќе од две седмици, карпошани ќе уживаат во музичките перформанси, културно - уметничките изведби, ликовни презентации кои се дел од оваа летна културна манифестација.