All for Joomla All for Webmasters

Практични решенија за проблемите на Млечен

Општина Карпош

Проект за еднонасочен сообраќај, со цел да се намали сообраќајниот метеж и тротоарите да се ослободат од возилата и да има безбедни зони за пешаците, реконструкцијата на улиците Римска и Атинска.


а исто така целосна реконструкција и проширирување на улицата Њуделхиска на која ќе биде поставена и нова атмосферска канализација, се дел од практичните решенија за проблемите на Млечен кои граѓаните и градоначланикот на Општина Карпош заеднички ги договорија.

 

Во урбаната заедница Владо Тасевски, Млечен ресторан вчеравечер се одржа уште една средба меѓу граѓаните од оваа населба со градоначалникот на Општина Карпош, Стефан Богоев и претставниците од Полициската станица Карпош и СВР Скопје.


Градоначалникот Богоев напомена дека многу скоро започнува реконструкцијата на улиците Римска и Атинска, со средства добиени од Светска банка, а исто така целосно ќе се реконструира и прошири улицата Њуделхиска на која ќе биде поставена и нова атмосферска канализација.


Сепак, долж овие и други сервисни улици веќе со години паркирањето претставува сериозен проблем.


Локалната самоуправа веќе подготви проект за еднонасочен сообраќај, со цел да се намали сообраќајниот метеж, а и тротоарите да се ослободат од возилата и да има безбедни зони за пешаците.


Токму од оваа урбана заедница, пред два месеци, започна и зелената офанзива во Карпош, во која што се засадија 155 висококвалитетни дрвја во повеќе урбани заедници.


Дополнително се зголеми зеленилото на платоата на Млечен и на Педагошка, а Богоев најави и започнување со реконструкција на спортските игралишта за фудбал и кошарка во основното училиште Војдан Чернодрински.


Граѓаните наведоа повеќе проблеми кои се однесуваат на јавниот ред и мир и поставувањето на урбаната опрема од страна на угостителските објекти.


Претставниците од ПС Карпош се понудија на целосно располагање на граѓаните и се договорија за заеднички патроли на покритичните места.


Исто така, ќе се интезивираат теренските контроли врз оние објекти кои не ги почитуваат правилата за поставување на урбана опрема, а Богоев нагласи дека во Градот Скопје се подготвува и нов Правилник за целосно справување со субјектите кои го узурпираат јавниот простор.

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.