Во Брисел награден проект од Карпош

 

На фестивалот STEM Discovery Week 2018 – Недела за промоција на природните науки, кој се одржа викендов од 22 до 24 јуни во Брисел, Белгија, проектот на Креативен центар Карпош и ООУ „Јан Амос Коменски“, „It is COOl to be STEM“ беше еден од наградените од фестивалот.

 

На фестивалот STEM Discovery Week 2018 – Недела за промоција на природните науки, кој се одржа викендов од 22 до 24 јуни во Брисел, Белгија, проектот на Креативен центар Карпош и ООУ „Јан Амос Коменски“, „It is COOl to be STEM“ беше еден од наградените од фестивалот.

Минатиот викенд, во Брисел се одржа и 23-тата работилница „Училница на иднината“.

Карпошовиот проект „It is COOl to be STEM“ е награден од страна на Scientix, при што беа доделени наградите за најуспешните проекти организирани за време на STEM Discovery Week 2018 во која кампања, покрај Креативен центар Карпош учествуваше и ООУ „Јан Амос Коменски“. На европско ниво во рамките на оваа кампања беа организирани околу 800 активности од 40 држави.

За време на петдневниот фестивал од 23-27.04.2018 беа организирани шест работилници во кои беа опфатени 150 ученика од III –IX одделение од десетте основни училишта од Карпош. Одговорна за реализацијата на активностите беше наставничката Александра Блажевска, која воедно е и Scientix Ambassador и претседател на Креативен Центар Карпош.

Оваа награда е уште една потврда дека во Карпош образованието е на исклучително високо ниво, што го покажува фактот дека на фестивалот беше препознаен квалитетот на проектот кој е и единствен награден од Македонија, велат од општината.

 

 

 

 





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.