Агенцијата за туризам и општина Карпош со заеднички проекти за поуспешна туристичка промоција

Директорот на Агенцијата за промоција и поддршка на туризмот (АППТ) на Република Македонија, Љупчо Јаневски, денес оствари работен состанок со градоначалникот на општина Карпош, Стефан Богоев.

 

Целта на посетата е реализација на проекти со заедничка соработка, која ќе се официјализира со потпишување на меморандум на соработка. Збогатување на туристичките содржини на градот Скопје и нивна промоција е приоритет во работата на Агенцијата за туризам. За таа цел тимот на АППТРМ ќе се вклучи во реализација на авантуристички парк и зип-линија во Карпош, кои ќе овозможат дополнителна атракција во општината. Исто така, ќе ја зголеми и конкурентноста со останатите општини во регионот. Во урбаните средини потребни се елементи кои ќе им овозможат на граѓаните лесно достапна атрактивна локација за рекреација и доживување на авантура после напорен работен ден.

Дополнителните залени површини во Карпош ќе ја зголемат посетеноста во општината и ќе го подигнат квалитетот на здрава животна средина како за најмладите така и повозрасните жители во овој дел од градот.

Агенцијата за туризам предвидува поголема промоција на општина Карпош и  вклученост во проектите, каде двете институции ќе можат да го дадат својот максимум за нивна реализација во интерес на граѓаните. 

 





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.