1-ва Скопска - МТМ Телевизија

Триесет тони смет е собран на територија на општина Кисела Вода во акцијата за расчистување на тревните површини, парковите и улиците.

Од општина Кисела Вода информираат дека во акцијата оваа работна недела извршено е расчистување на сметот и во месните заедници Припор и Пинтија, каде е собран околу четири тони смет. Денеска акцијата се спроведува во УЗ „Бирарија“.

Во акцијата се склучени преку Секторот за месна самоуправа и социјална заштита сезонски работници и еден камион.

Општина Кисела Вода и во иднина ќе продолжи со секојдневни активности за расчистување на својата територија преку кои ќе дава придонес за почиста и поздрава животна средина. Локалната самоуправа апелира до сите граѓани за совесно однесување и почитување на Законот за Јавна чистота.