All for Joomla All for Webmasters

Кисела Вода го одбележа патрониот празник

Општина Кисела Вода

Општина Кисела Вода денеска го одбележа својот патронен празник 6 Мај Ѓурѓовден. 


Во организација на локалната самоуправа, во паркот Шопен најголемиот пролетен празник се чествуваше со богата културно-забавна програма. Симболично со празникот кој се идентификува со раѓањето и будењето на пролетта, акцентот беше ставен врз најмладите.


Како што соопшти Општината, посетителите ги забавуваа акробати, жонглери, куклари, настап имаа и Златните славејчиња, повеќе млади музички таленти од овој дел на градот, како и Александар Митевски кој и самиот е некогашен жител на оваа општина.


Градоначалникот Филип Темелковски, во своето обраќање пред присутните потсети зошто токму денешниот празник кој годинава се празнува по јубилеен 20-ти пат е избран да биде патронен празник на Општина Кисела Вода.


- Имено, жителите од овој дел на градот векови наназад во старата црква „Св. Ѓорѓија”, го празнуваат овој ден кој ја симболизира истрајноста и вербата, победата на доброто над злото, го слават животот. Најстарата скопска Општина, Општина Кисела Вода негувајќи ги токму овие вредности помина значајни периоди и во историска и во политичка и во општествена смисла и годинава ќе одбележи 63 годишно постоење, рече Темелковски.


Вети дека тој како прв човек на оваа локална самоуправа е насочен исклучиво кон граѓаните и оти интензивно и истрајно ќе работи на прогресот на општината и на надминување на сите предизвици кои ги наметнува секојдневието. 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени. | Мапа на сајтот | RSS |