All for Joomla All for Webmasters

Изложба на Јован Миронски во Музеј на Град Скопје

Изложба на Јован Миронски

Во Музеј на град Скопје вечер во 20 часот ќе биде отворена ретроспективна изложба на избрани дела од ликовното творештво на Јован Миронски.


Организаторот невдува дека несвесната потреба на Миронски да наоѓа пластични решенија за ментални претстави кои, можеби, имаат врска со некои случувања од неговиот живот, е главниот поттикнувач на неговите повеќедецениски опстојувања во светот на ликовната уметност. 


- Неговите ликовни остварувања постојано како да се врзани за она што лично се однесува на него.... Миронски, како и генерацијата ликовни уметници кои паралелно почнуваат да работат со него, веќе во образовниот процес биле насочувани кон модернистичките ликовни модели кои тие подоцна ги разработиле, некои од нив и ги радикализирале, и во низата години што следувале темелно го промениле ликовниот профил на средината. За сето ова да биде возможно морало да биде присутен еден основен елемент – нивната отвореност и подготвеност за прифаќање на модернизмот и модерноста на општеството, соопшти Музеј на Град Скопје. 


Јован Миронски (с. Тресонче, 1933) завршил виша педагошка школа во Скопје, во класата на професорот Вангел Коџоман, а дипломирал на Архитектонскиот факултет во Љубљана во 1963 година.


Како архитект реализирал голем број проекти во Скопје, а во текот на целиот живот активно се занимавал со ликовно творештво во повеќе ликовни техники. 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени. | Мапа на сајтот | RSS |