1-ва Скопска - МТМ Телевизија

Во последните години книгите од домашни автори бележат раст во побарувачката од страна на македонските читатели. Домашната сцена станува подоминантна и со добри и квалитетни автори кои имаат што да понудат на читателите. Овој факт за МТМ го потврди и македонскиот писател Горјан Петревски како и резултатите од последниот Саем на книги во Скопје на кој македоснките автори беа побарани од странските.

Македонската книжевна сцена, особено последниве десетина години доживува вистинска експанзија. Млади, талентирани и квалитетни македонски автори се намножуваат, а нивните книги се најдобри сведоци дека македонската литература има што да понуди. Во последно време се забележува тренд на се посериозно и поголемо прифаќање на домашните автори. Домашната сцена станува подоминантна и со добри и квалитетни автори кои имаат што да кажат и да понудат на македонските читатели. Дека македонските автори во последно време се повеќе барани од странските покажува и фактот што на последниот саем на книги кој се одржа во месец април во Скопје најголем интерес имаше за домашните автори. Ова го потврди и македонскиот писател Горјан Петревски кој истакнува дека македонските автори имаат предност пред странските автори во домашните библиотеки и читателите сакаат добра приказна од нашето поднебје.

Од статистичките податоци во изминативе години изразен е зголемениот бројот на читатели во нашата држава, а радува податокот што се повеќе млади луѓе ги посетуваат книжарниците и сакаат да имаат книга повеќе во своите домашни библиотеки. Жанрот и авторот зависат од читател до читател, но генерално, впечатокот е дека се повеќе се читаат македонски автори. Според Горјан Петревски македонските читатели сакаат да прочитаат добра приказна претежно со среќен крај, па поради тоа романите се меѓу побараните.