All for Joomla All for Webmasters

Изложба на дела од софиската Градска уметничка галерија

„Попладнето на една идеологија“

Во Чифте амам вечер од 19 часот ќе биде отворена изложбата „Попладнето на една идеологија“ на Градската уметничка галерија од Софија, која е резултат на меѓународната соработка на Националната галерија на Македонија.


- Изложбата ги претставува уметничките дела во сопственост на галеријата со „неуметнички очи“, барајќи во нив сведочења за едно време и начинот како ги доживувале уметниците. Сметајќи на тоа дека тие на сопствен јазик ги пишувале страниците од микроисторијата на комунизмот, дека творецот секогаш учествува во „двојна игра“ додека ја прикажува реалноста, и таа дејствува на него, присуствува во неговите дела по негова волја, но и независно од неа. Во таа смисла, естетските квалитети не се водечки при изборот на сликите и скулптурите, но далеку од тоа дека ги нема, соопшти НГМ.


Меѓу авторите се некои од најзначајните бугарски уметници како: Љубомир Далчев, Иван Кирков, Васка Емануилова, Павел Којчев, Галин Малакчиев, Атанас Јаранов, Димитар Казаков, Милко Божков, Љубен Зидаров, Андреј Даниел, Недко Солаков, Вихрони Попнеделев, Станислав Памукчиев, Текла Алексиева, Ванко Урумов... 


Изложбата е дел од долгорочниот проект „Другото око“, чија цел е  да го претстави и социјализира богатството и разновидноста на делата од фондот на софиската Градска уметничка галерија преку очите на „непрофесионалците“- интелектуалци.


Каталогот кон изложбата е на бугарски и на англиски јазик и вклучува авторски текстови на двајцата куратори, Георги Лозанов и Георги Господинов. Изложбата за посетителите во галеријата Чифте амам ќе биде отворена до 3 јули.

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.