All for Joomla All for Webmasters

Мултисензорна изложба на Ирена Пејовиќ во МСУ

Во Музејот на современа уметност вечер од 20:30 часот ќе биде отворена изложбата „Ти си мобилна архитектура“ на Ирена Пејовиќ. 

 

Музејот информира дека се работи за мултисензорен настан кој кореографира движења преку комбинирање облека, модуларни форми, предлози, како што се фотографскиот објект и звукот како место, материјалноста како настан, техниките на организација во природата и организација на луѓето. 

 

Пејовиќ создава настани кои водат надвор од визуелниот аспект, кореографирајќи движења кои ја претвораат публиката во истражувач на еден свет кој е активен и во создавање. 

 

- Во нејзините дела публиката се движи со сензори, користејќи вид, звук, навигација, чувство на текстура, боја, големина, и е подвижна и неподвижна. Делата, просторот и гледачот земаат рамноправен дел во изработката на настаните, наведува МСУ во најавата за изложбата која ќе може да се посети до 18 јули. 

 

Ирена Пејовиќ (Гевгелија, 1981) живее и работи во САД. Дипломирала и магистрирала ликовна уметност на Државниот универзитет „Монтклер“. Во 2016 година била дел од перформансот SWIM на американскиот уметник Роберт Витман, презентиран во Галеријата „Фридман“ во Њујорк. Таа е вонреден професор на Државниот универзитет „Монтклер“ и на Универзитетот „Кин“ во Њу Џерси.

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.