1-ва Скопска - МТМ Телевизија

Македонија и Италија имаат одлична соработка во културата која во изминатиот период  ја одбележаа многу проекти и гостувања на македонски и италијански уметници на манифестациите во двете земји, оцениле денеска на средба министерот за култура Асаф Адеми и италијанскиот амбасадор Карло Ромео. 

Министерството соопшти дека е потпишана четврта по ред Програма за соработка во областа на културата, образованието и науката меѓу Република Македонија и Република Италија за периодот 2016-2019 година со која на годишно ниво се конкретизираат активностите кои ќе се реализираат.  

- Размена на проекти и уметници постои во сите дејности од културата, во областа на заштитата на културното наследство, драмската, издавачката и ликовната дејност. Изразена соработка има и во филмската дејност, за што е потпишан Договор за развој на копродукциски проекти меѓу Генералната дирекција за филм при Министерството за културни добра и културни активности на Република Италија и Агенцијата за филм на Република Македонија, информира Министерството за култура.

Додава и дека во 2018 година поддржало повеќе активности за промоција на македонската култура во Италија, меѓу кои се гостување на  Македонската опера и балет во Лече, настап на пијанистите Петар Макариевски и Дани Жоговска во Рим, учество на Инес Неделковска на меѓународен натпревар за млади музичари во Бари, ликовно претставување во Трст