Македонска делегација на примопредавањето на командата на СЕЕБРИГ
- Детали
- Категорија: Македонија
- Создадено: 23 Август 2017
Македонска делегација предводена од заменик-министерот за одбрана Беким Максути денеска во базата „Шина“ во близина на Лариса, Грција, ќе присуствува на свеченост по повод примопредавање на должноста командант на Бригадата на Југоисточна Европа (SEEBRIG) и на примопредавање на Претседателството со South East Defence Ministerial (SEDM) иницијатива за соработка во Југоисточна Европа.
Како што соопшти Министерството за одбрана, на свеченоста е најавено присуство на делегации од државите членки на SEEBRIG - Албанија, Бугарија, Грција, Романија, Македонија, Турција и од Босна и Херцеговина како земја набљудувач.
South East Defence Ministerial е процес на соработка меѓу министерствата за одбрана на земјите од Југоисточна Европа, иницирана во март 1996 година. Во рамките на СЕДМ иницијативата од 1999 година функционира Бригадата на ЈИЕ - SEEBRIG (South East European Brigade).
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
