All for Joomla All for Webmasters

Почна дистрибуцијата на доверливиот изборен материјал

Дистрибуција на изборен материјал

Државната изборна комисија (ДИК) денеска започна со дистрибуција и примопредавање на доверливиот изборен материјал на општинските изборни комисии (ОИК) за локалните избори закажани за во недела.


Потпретседателот на Државната изборна комисија (ДИК) Реџеп Прекопуца кој изутринава ја посети печатницата „Полиестердеј“ во Визбегово од каде што се распределува доверливиот изборен материјал, изјави дека дистрибуцијата се одвива според планираното и досега процесот тече како што треба.


- Претходно до сите општински изборни комисии (ОИШ) го распределивме и недоверливиот гласачки материјал. Тука сме заедно со сопственикот на претпријатието кое по првпат ги испечати гласачките ливчиња и можам да кажам дека ние сме задоволни, изјави Прекопуца.


Сопственикот на печатница „Полијестердеј“ Филип Спасовски рече дека печатењето на изборниот материјал претставувал интересен проект во кој биле вклучени сите 170 вработени во компанијата. Тој се заблагодари на ДИК за укажаната доверба.


Согласно изборниот роковник, ДИК изборниот материјал го предава на ОИК најдоцна во рок од 72 часа пред денот определен за одржување на изборите, а ОИК е должна еден ден пред денот определен за одржување на изборите да го предаде изборниот материјал на ИО ( избирачките одбори).


Шестите локални избори во Македонија  ќе се спроведуваат на 3.480 избирачки места во 80 општини и во Градот Скопје. Кампањата за првиот изборен круг ќе заврши утре во 24 часот.


Вториот круг од изборите е закажан две недели подоцна, на 29 октомври. Изборната кампања за вториот круг завршува на 27 октомври во 24 часот.

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени. | Мапа на сајтот | RSS |