Национален натпревар на ученички компании
- Детали
- Категорија: Македонија
- Создадено: 18 Мај 2018
Национален натпревар на 11 ученички компании од десет средни училишта од Македонија ќе се одржи денеска во Скопје, со учество на 55 средношколци и нивните ментори наставници од Битола, Гевгелија, Кавадарци, Куманово, Скопје, Валандово и Велес.
Најдобрата ученичка компанија ќе учествува на Европското финале на најдобри ученички компании.
Оваа година домаќин на Европското финале е Џуниор Аџивмент Србија, каде од 16 до19 јули, во Белград, ќе се одржи натпреварот на финалистите од 36 земји членки на Џуниор Ачивмент мрежата.
Натпреварот финансиски е подржан од Американската агенција за меѓународен развој, а се реализира од организацијата Џуниор Ачивмент Македонија – член на светската мрежа Junior Achievement Worldwide, основана 1919. Главната цел на натпреварот е средношколците кои беа дел од образовната програма да го покажат своето искуство во менаџирање на ученичка компанија, стекнатото знаење и претприемнички вештини.
Ученичка компанија е образовна програма која се спроведува како вон наставна активност во средните училишта. Таа им овозможува на учениците да бидат вклучени во развојот и менаџирањето на сопствените компании, со вистински производи и услуги и да управуваат со заработката од пари за време на средното образование.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс