Промоција на Стратегијата за образование за 2018-2025 година
- Детали
- Категорија: Македонија
- Создадено: 21 Мај 2018
Министерството за образование и наука денеска ќе ја промовира Стратегијата за образование на Република Македонија за 2018-2025 година и нејзиниот акциски план.
На промоцијата, како што е најавено, ќе се обратат евроамбасадорот Самуел Жбогар и Министерката за образование и наука Рената Дескоска.
Стратегијата, како што информираат од МОН, е подготвена со поддршка од Европската унија, преку реализација на ИПА проектот „Техничка помош за подготовка на сеопфатна Стратегија за образование 2016 – 2020“ во рамки на Оперативната програма „Развој на човечки ресурси 2007-2013“.
Работна верзија од стратешкиот документ е дискутирана на Собраниската комисија за образование, наука и спорт, во ноември 2017. Владата на Република Македонија ја усвои Стратегијата за образование 2018-2025 со Акцискиот план на 31. јануари 2018 година.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
