1-ва Скопска - МТМ Телевизија

Во основното училиште „Васил Главинов“ во Велес привршуваат работите околу адаптацијата на два тоалета за учениците со ограничена мобилност. Тоалетите се наоѓаат на првиот и вториот кат во десното крило на училишната зграда и се комплетно функционални и приспособени кон потребите на оваа група ученици.

Од општина Велес информираат дека во училиштето се заменети и 15 дрвени врати со што се обезбедува полесна пристапност за учениците со ограничена мобилност, како и за сите останати ученици, за што се одвоени 470 илјади денари.

Во училиштето учат 15 ученици со церебрална парализа, аутизам, забавен психомоторен развој, аутизам, интелектуална попреченост, оштетен вид и други попречености.

– Општина Велес како инклузивна општина и понатаму ќе продолжи да работи во насока на подобрувањето на условите за овие ученици, со што значително ќе се олесни пристапот кон образованието, како и да се подобри квалитетот на живеење на оваа ранлива група на граѓани, потенцираат од Општина Велес.