Во Тетово излезност од 10,42 отсто до 13 часот
- Детали
- Категорија: Македонија
- Создадено: 05 Мај 2019
Излезноста во Тетовско во рамки на вториот круг од претседателските избори до 13 часот е помала во споредба со првата рунда од гласањето. Општина Тетово денес до 13 часот има излезност од 10,42 отсто, за разлика од 21 април кога имаше 16,71 отсто.
Во регионот и понатаму најмалку се гласа во општина Желино. До 13 часот има 4,22 отсто излезност или гласале 991 лица. Во првиот круг таму имало излезност од 6,62 отсто до истиот период. Денес до 13 часот во Боговиње има излезност од 6,21 отсто, за разлика од пред две недели кога имало 8,01 отсто.
Од граѓаните кои имаат право на глас во општина Теарце 8,35 отсто гласале до 13 часот. Во Јегуновце и Брвеница се евидентира најголема излезност. Брвеница има 13,03 отсто додека Јегуновце 13,48 отсто излезност во рамки на вториот круг.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
