Филипче: Сите лекови што се на позитивната листа за малигни заболувања се на располагање на пациентите
- Детали
- Категорија: Македонија
- Создадено: 22 Јуни 2019
Можам одговорно да кажам дека сите лекови коишто се на позитивната листа се на располагање за сите пациенти кои се лекуваат од најтешките малигни заболувања.
При крај е набавката и во наредниот период ќе бидат и лековите што не се на позитивната листа, кои ги обезбедуваме со дополнителни т.н. „условни буџети" од Фондот за здравствено осигурување, а станува збор за нови над 40 молекули кои прв пат ќе им бидат на располагање на нашите пациенти и на тој начин ќе имаат пристап до современа терапија.
Ова го истакна министерот за здравство Венко Филипче одговарајќи на новинарско прашање воврска со реагирањата на дел од пациенти на Клиниката за онкологија дека ги немаат потребните лекови.
Во донсо на тоа зошто не се реагирало на барањето на Светската здравствена организација за казни кај матичните лекари, Филипче рече дека фокусот во изминативе две години не бил на казнувањето, туку на унапредувањето на работата на матичните лекари и зголемување на капитацијата на матичните лекари, која треба да се случи на крајот на 2019 година.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс