All for Joomla All for Webmasters

Општина Петровец реконструира куќа на сиромашно семејство

Обнова на куќа на сиромашно семејство

Семејството Спасовски, кое се наоѓа во тешка материјална состојба, и живее во трошна куќа, во која изостануваат дури и основните потребни за достоинствен живот, денеска доби помош од општина Петров.

 

Со помош на општината, и на фирмата Алекс импекс, трошната куќа, на крајот од селото Огњанци, ќе добие покрив, и зидови од кои нема да протекува. Покрај тоа, општината обезбедила и дрва за огрев, како и хуманитарни пакети. Сепак, тоа не е доволно. Проблемот на семејството Спасовски ќе се реши дури откако Благојчо, татко на седмооделенец, ќе добие лична карта и сите останати документи потребни за добивање на социјална помош.

 

Проблемот на ова двочлено семејство го забележала наставничката, кога во многу наврати нејзиниот ученик мокар одел на училиште, од кровот кој прокиснувал по секој дожд, која потоа ги поттикнала општинските власти, да преземат се што е во нивна моќ. Благојчо Спасовски вели дека нема ништо, а најпотребна во моментов е храна, која ја добиваат од соседите, доколку ги викнат на ручек или вечера.

 

Општина Петровец ги повикува сите хумани граѓани, доколку се во можност да донираат за семејството Спасовски, а донациите да ги однесат во општинската зграда, од каде ќе бидат дистрибуирани до семејството Спасовски.

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.