1-ва Скопска - МТМ Телевизија

Во НБА лигата се одиграа 11 натпревари. Хјустон стигна до втора победа во лигата откако го победи и Сакраменто со 105-100. Џејмс Харден постигна 27 поени, и 9 асистенции. Сан Антонио ја победи Минесота со 107-99, а ги предводеше Ламаркус Олдриџ со 25 поени и 10 скока.

Кај Минесота најефикасен беше Ендрју Вигинс со 26 поени, додека Таунс 18 поени и 13 скока. Никола Вучевиќ постигна 18 поени и 13 скока во победата на Орландо во дербито на Флорида против Мајами со 116-109. Во поразениот тим Горан Драгиќ имаше 16 поени и 6 асистенции. Феноменална партија во првиот меч од новата НБА сезона одигра Јанис Антетокумпо кој со Милвоки славеше против Бостон со 108-100. Антетокумпо мечот го заврши со 37 поени и 13 скока.

Кај Бостон Кајри Ирвинг постигна 17 поени, а Тери Роузир запиша 15 поени. На другите средби, Детроит – Шарлот 102-90, Индијана – Бруклин 140-131, Вашингтон – Филаделфија 120-115, Мемфис – Њу Орлеанс 103-91, Далас – Атланта 111-117, Јута – Денвер 106-96 и Портланд нагости го уништи Феникс со 48 поени разлика 76-124.

За вечерва на НБА програмата предвидени се три средби меѓу кои и дербито во Лос Анџелес помеѓу Клиперси и Лејкерси.