Македонската фудбалска репрезентација ги започна подготовките за двете пријателски средби во Анталија
- Детали
- Категорија: Спорт
- Создадено: 20 Март 2018
Македонската фудбалска репрезентација ги започна подготовките за двете пријателски средби во Анталија. Играме против Финска на 23 март и со Азербејџан на 27 март.
Репрезентацијата полека се комплетира, а вчера го одржа и првиот тренинг. Недостигаат уште тројца репрезентативци Ристовки, Алиоски и Димитриоски. Селекторот Ангеловски нема да експериментира со составот, па црвено-жолтите со комплетен тим ќе се обидат да ја продолжат серијата на успешни настапи.
Со овие две средби Македонија ќе има можност и шанса составот дополнително да се подготви пред стартот на Лигата на нациите во месец септември. Македонија игра против Ерменија, Гибралтар и Лихтенштајн.
Првиот меч на црвено-жолтите се игра в петок од 17 часот по македонско време со Финска, а четири дена подоцна во истиот термин против Азербејџан.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс