1-ва Скопска - МТМ Телевизија

Атлетико Мадрид по трет пат во својата историја ја освои Лига Европа. Тие во финалето на стадионот во Лион, го победија Олимпик Марсеј со 3:0 и стигнаа до драгоцениот пехар.

По успесите во 2010 и 2012 година оваа 2018 за Атлетико значи трет трофеј во ова натпреварување. Голем херој за тимот од Мадрид беше Антоан Гризман, постигна два гола, а капитенот Габи додаде уште еден. Атлетико беше без својот тренер Диего Симеоне кој беше казнет по неговите жестоки реакции во првиот полуфинален натпревар против Арсенал и ги гледаше дуелите од ложата.

Марсеј губи трето финале во Европа по 1999 година од Парма во Купот на УЕФА и 2004 година од Валенсија на истиот турнир. Тие не успеаја да станат првиот француски победник на турнирот, додека „јорганџиите“ запишаа прва победа во Франција по 57 години и повторно триумфира на европската арена по два порази во финалето на Лигата на шампионите од градскиот ривал Реал.