Во Тајван се појавило виножито кое траело 9 часа
- Детали
- Категорија: Свет
- Создадено: 05 Декември 2017
Професори и студенти на кинескиот универзитет за култура, минатата недела во планините во Тајпеј беа сведоци на виножито кое траеше рекордни девет часа.
“Беше неверојатно … Се чувствуваше како подарок од небото … Тоа е толку ретко!” рече Чоу Кун-хуан, професор во Одделот за атмосферски науки на Универзитетот.
Професорите Чу и Лиу Чинг-Хуанг, заедно со студентите од одделот и кампусот го документираа виножитото. Нивните забелешки, фотографии и видео снимки покажаа дека виножитото траело од 06:57 до 15:55 – осум часа и 58 минути.
Ако биде потврдено, тоа ќе го надмине претходниот рекорд за најдолготрајно виножито, поставено во Ветерби во Јоркшир, Англија, на 14 март 1994 година, кое траело шест часа, од 09:00 до 15:00 часот, според Гинисовата книга на рекорди.
Виножито обично трае многу помалку од еден час, според веб-сајтот на Гинис.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс